Риддерлік блогерлер «Шаңырақ» мектеп-гимназиясының жай-күйін білу үшін, осы жалпы білім беретін мекемеге ескертусіз келді.

Себебі, жүз рет естігенше, бір рет көрген артық. Естеріңізге сала кетейік, бұл мектепке жапсыра салынған қауіпті ғимарат пен жөндеу жұмыстарының жүргізілмегендігі әлеуметтік желілерде қызу талқыға салынып, елеңдеушілік тудырды. Блогерлер мектеп өмірі қызып тұрған шаққа дөп келді. Олар мектепті аралап көріп, мұғалімдер және оқушылармен сөйлесті, шын мәнінде мұндағы жағдай, істің мән-жайын білмейтін адамдар жазып жатқандай алаңдарлық емес, жұмыстар жоспарға сәйкес жүргізілуде. Ал мектепке жапсыра салынған ғимаратты қирату үшін барлық заңдық рәсімдерді орындау керек. Ол оқу үрдісіне ешқандай кедергі келтіріп, балаларға қауіп төндірмейді. Біздің заңнамамызда көптеген қағаздарды толтырмай бірдеңені бұзуға, не салуға болмайды. Қазіргі кезде барлық қағазбастылық шаралар аяқталған, жақын арада жапсырма ғимарат бұзылады. Тіпті, байқау бойынша, оның мердігері де анықталған. Ал мектеп кластарының қандай екенін мына бейнекөріністен анық көруге болады.